Thursday, January 4, 2024

ಶತಕಂಠ ಗಾಯನ ಕಾರ್ಯಕ್ರಮ ಅದ್ಧೂರಿ ಯಶಸ್ವಿ

ಈ ದಿವಸ ಕನ್ನಡ ದಿನ ಪತ್ರಿಕೆ ವಾರ್ತೆ 

ವಿಜಯಪುರ: ನೂರುಕಂಠಗಳಲ್ಲಿ ಒಂದೇ ಧ್ವನಿಯಾಗಿ ಗಾಯನ ಹೊರಹೊಮ್ಮುತ್ತಿದ್ದರೆ ಕೇಳಲು ಮಧುರವೋ ಮಧುರ. ಅಂತಹ ಒಂದು ಮಾಧುರ್ಯ ಪೂರ್ಣವಾದ ಶತಕಂಠ ಗಾಯನ ಕಾರ್ಯಕ್ರಮ ನಡೆದದ್ದು ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾನಿಲಯ ವಿಜಯಪುರದ ಆಡಳಿತ ಭವನದ ಎದುರಿನಲ್ಲಿ ವಿಶ್ವವಿದ್ಯಾನಿಲಯದ ವಿವಿಧ ವಿಭಾಗಗಳು ಸೇರಿಕೊಂಡು ಸಂಗೀತ ವಿಭಾಗದ ಮುಂದಾಳತ್ವದಲ್ಲಿ ಶತಕಂಠ ಗಾಯನ ಎಂಬ ನೂರು ವಿದ್ಯಾರ್ಥಿನಿಯರ ಗಾಯನ ಕಾರ್ಯಕ್ರಮ ಅತ್ಯಂತ ಯಶಸ್ವಿಯಾಗಿ ಜರುಗಿತು. ಆರಂಭದಲ್ಲಿ ವಿಶ್ವವಿದ್ಯಾನಿಲಯದ ಧ್ಯೇಯಗೀತೆಯಾದ ನಾವೆಲ್ಲರೂ ಒಂದೇ ಜಾತಿ ಎಂಬ ಗೀತೆಯನ್ನು ಮಧುರವಾಗಿ ಪ್ರಸ್ತುತಪಡಿಸಿದರು. 

ನಂತರ ಬಸವಣ್ಣನವರ ವಚನವಾದ ದಯವಿಲ್ಲದ ಧರ್ಮ ಅದಾವುದಯ್ಯ ಎಂದು ಹಾಡಿದರು. ಇತನಿ ಶಕ್ತಿ ಹಮೆ ದೇನಾ ದಾತಾ ಎಂಬ ಜಾಗೃತ ಗೀತೆಯನ್ನು ಹಾಡುವುದರ ಮೂಲಕ ನೆರೆದಿದ್ದ ಕಲಾಎಸಿಕರ ಪ್ರಶಂಸೆಗೆ ಒಳಗಾದರು. ಕೊನೆಯದಾಗಿ ವಿಶ್ವ ವಿನೂತನ ವಿದ್ಯಾ ಚೇತನ ಎಂಬ ಗೀತೆಯನ್ನು ಹಾಡುವುದರ ಮೂಲಕ ದೂರದ ಊರಿನಿಂದ ಆಗಮಿಸಿದ್ದ ನ್ಯಾಕ್ ಸದಸ್ಯರ ಪ್ರಶಂಸೆಗೆ ಒಳಗಾದರು. ಇದಕ್ಕೆ ತರಬೇತಿಯನ್ನು ಡಾ. ಗಂಗಾಧರ ಸೋನಾರ್ ಅವರ ನೇತೃತ್ವದಲ್ಲಿ ಡಾ. ಹರೀಶ ಹೆಗಡೆ, ಶ್ರೀಮತಿ ಸಂಗೀತಾ ಹಿರೇಮಠ ಮತ್ತು ಶ್ರೀ ವಿನಯ್ ಕುಲಕರ್ಣಿ ಅವರು ನೀಡಿದ್ದರು. ಕಾರ್ಯಕ್ರಮದಲ್ಲಿ ವಿಶ್ವವಿದ್ಯಾನಿಲಯದ ಕುಲಪತಿಗಳಾದ ಪ್ರೊ ಬಿ ಕೆ ತುಳಸಿಮಾಲಾ, ಕುಲಸಚಿವರಾದ ಎಸ್ ಎಸ್ ಸೋಮನಾಳಕ, ಕುಲಸಚಿವ ಮೌಲ್ಯಮಾಪನ, ಆರ್ಥಿಕ ಅಧಿಕಾರಿಗಳು, ಡೀನರು, ಎಲ್ಲಾ ವಿಭಾಗದ ಮುಖ್ಯಸ್ಥರು, ಅಧ್ಯಾಪಕರು, ಸಂಶೋಧನಾ ವಿದ್ಯಾರ್ಥಿನಿಯರು ಮತ್ತು ಅಪಾರ ಸಂಖ್ಯೆಯಲ್ಲಿ ಜನರು ಭಾಗವಹಿಸಿದ್ದರು.

ರಾಜ್ಯಾದ್ಯಂತ ಆಸಕ್ತರಿಗೆ ವಿಶೇಷ ಸೂಚನೆ:

ಯುವ ಪ್ರತಿಭೆಗಳು, ಹಿರಿ-ಕಿರಿ ಆಸಕ್ತ ಸಾಹಿತಿ, ಕವಿ, ಲೇಖಕರಿಗೆ ಈ ದಿವಸ ವೇದಿಕೆ ಕಲ್ಪಿಸುತ್ತಿದೆ. ಆಸಕ್ತರು ತಮ್ಮ ಸ್ವ ರಚಿತ ಲೇಖನ, ಕಥೆ, ಕವನ , ಶಾಲಾ ಕಾಲೇಜಿನ, ವಿಶ್ವವಿದ್ಯಾಲಯ ವರದಿ, ಹೋರಾಟಗಾರರ ಮನವಿ, ತಮ್ಮ  ಜಿಲ್ಲೆ, ಪಟ್ಟಣ, ತಾಲೂಕು, ಗ್ರಾಮಗಳಲ್ಲಿನ  ಸಮಸ್ಯೆಗಳು ಸೇರಿದಂತೆ ಇತರೆ ಸುದ್ದಿ ಹಾಗೂ ಜಾಹೀರಾತುಗಳನ್ನು ಪ್ರಕಟಿಸಲು ಇಂದೇ ಸಂಪರ್ಕಿಸಿರಿ.

ಸಂಪಾದಕರು ಈ ದಿವಸ ಕನ್ನಡ ದಿನ ಪತ್ರಿಕೆ ವ್ಯಾಟ್ಸಪ್ ಸಂಖ್ಯೆ : 7204279187 / 9900378892 ತಾವು ಟೈಪಿಸಿ eedivasa@gmail.com ಈ ಮೇಲ್ ಗೂ ಮೇಲ್ ಸೆಂಡ್ ಮಾಡಿದರೆ ಪ್ರಕಟಿಸಲಾಗುವುದು.

No comments:

Post a Comment