ಅಪ್ಪಾ ನೀನೆ ಸರ್ವಸ್ವ

ಪ್ರತಿ ಮಗಳಿಗೂ 

ಅವರಪ್ಪನೇ ಹೀರೋ

ಮಗಳೆಂದು ಹೀಯಾಳಿಸುವವರ 

ನಡುವೆಯೂ

ತನಗೆ ಮಗಳು ಹುಟ್ಟಿದಳೆಂದು 

ಹಿಗ್ಗಿನಿಂದ ನಲಿವನು ಅಪ್ಪಾ.

ಮೊದಲ ಬಾರಿ ಮಗಳ

ಮುಖ ನೋಡುತ್ತಲೇ

ತನ್ನಮ್ಮ ಮಗುವಾಗಿಹಳೆಂದು

ಕಣ್ಣಂಚು ಒದ್ದೆಯಲ್ಲೇ

ಮೀಸೆ ಮರೆಯಲಿ ಹೆಮ್ಮೆಯಿಂದ ನಗುವನು.

ಕೈ ಹಿಡಿದು 

ಹೆಜ್ಜೆಯ ಮೇಲೆ ಹೆಜ್ಜೆ ಹಾಕಿಸಿ

ನಡೆಯುವುದನ್ನ ಕಲಿಸಿದೆ

ನೀ ಜೊತೆಗಿರು ಧೈರ್ಯದಿಂದ

ಮುಂದೆ ನಡೆಯುತ್ತಿರುವೆ ಅಪ್ಪಾ.

ಆಟ ಪಾಠವ ಕಲಿಸಿ

ಜೀವನ ತಿಳಿಸಿದೆ

ನೀ ನನ್ನ ಮೇಲೆ ಜೀವ ಇಟ್ಟರೂ

ಜೀವನ ಮಾಡು ಎಂದು

ಇನ್ನೊಂದು ಮನೆ ಬೆಳಗಲು ಕಳುಹಿಸಿದೆ.

ನಾ ಮದುವೆಯಾಗಿ

ನಿನಗೆ ಮೊಮ್ಮಗು ಸಿಕ್ಕರೂ

ನೀ ಇನ್ನು ನನ್ನನ್ನು 

ಮಗುವಂತೆ ಕಾಣುವೆ

ನೀನೆ ಪ್ರೀತಿ ಅಪ್ಪಾ.

ನನ್ನ ಜೀವ ಇರುವವರೆಗೂ

ನಿನ್ನನ್ನು ಹೊರತುಪಡಿಸಿ

ಬೇರೆಯಾರೂ ಸಿಗಲಿಲ್ಲ ನನಗೆ

ರಾಜಕುಮಾರಿಯಂತೆ ಕಾಣಲು

ಅಪ್ಪಾ ನೀನೆ ಸರ್ವಸ್ವ.

ಶುಭಾ ಹತ್ತಳ್ಳಿ

ವಿಜಯಪುರ